[Translation.]
No. 26.—Pukapuka-inoi a Taurau Kukupa me etahi atu e 20.

E ki ana nga kai pitihana no te Iwi o Parawau ratou, a i tu te Kooti Whenua Maori i a Akuhata, 1880, i Kaihu i te takiwa o Kaipara, ko te Rokena te Tiati na Tirarau Kukupa, kua mate nei, i whakahaere nga take o te Iwi o Parawau a no te mea i te mate ia kihai i ahei e ia te tino whakahaere i a ratou take ki te whenua, a no runga i tenei mate ona ka uru etahi tangata i raro i nga tikanga Maori kihai nei i whai take ki te whenua e karangatia nei ko Whangaimokopuna. A no te oranga ake o Kukupa he maha ana tononga me etahi atu kia whakawakia tuaruatia tenei keehi, kihai rawa te Tumuaki i whakaae. E inoi ana nga kai pitihana kia whakaaetia inaianei he whakawa tuarua.

Kua whakahaua ahau kia ki penei:—

No te 29 Akuhata, 1881, ka penei te repoata a te Komiti i runga i tetahi pitihana penei ano. No nga korero i whakaputaina e whakaaro ana te Komiti tera ano tetahi take e tika ana kia ata pataia mariretia i roto i tenei keehi. E whakahau ana i te Kawanatanga kia whai tikanga hei whakaatu ki te Tumuaki o te Kooti Whenua Maori. E whakahau ana ano te Komiti i te Kawanatanga kia tirohia tenei keehi, te tino mea ia, ko nga korero a te Mitirihana me Mohi Tawhai. I roto i nga take katoa o tenei keehi i korerotia nei ki te Komiti ko te mea nui ko te ahua o te takoto o tenei whenua, e whakaatu ana mehemea nei no ratou ake no te Iwi o Tirarau Kukupa. Kua rongo te Komiti ka whakaturia tetahi whakawa i runga i etahi keehi e hiahiatia ana kia whakawakia tuaruatia, a e whakaaro ana tera ano pea e whakanruhia tenei keehi. Erangi ko te tikanga whakauru i te ingoa o te tangata kotahi ki roto ki te karati ki te pukapuka whai take ranei o te Iwi, me te kore kaore e whakaatu he kai Tiaki kau ia no te Iwi, tera e puta tetahi tikanga kino rawa me ka whakahaeretia enei whenua amua ake nei.