[Translation.]
Ko te kupu a te Komiti mo runga i te Pukapuka-inoi a Hori Kerei Taiaroa.

E tono ana te kai-inoi kia utua ki a ia te moni e £6,000 ko te reti tenei o te whenua porowhita i Otepoti i mua atu o te karaatitanga ki te Huperiteneti o Otakou, a e tono ana hoki kia utua ki a ia nga hua mo te wai puritia ai tana moni e £6,000.

Kua whakahaua ahau kia ki penei atu ki te Whare:—

E whakaarohia ana e pohehetia ana te tino taunga o te whakariteritenga i whakaotia i runga i te utunga o te £5,000 ki nga Maori a i rere ke te mohiotanga o tetahi taha o tetahi taha ki nga tikanga o taua whakaaetanga. I runga i nga tikanga katoa he mea pai rawa kia whakakorea atu nga take pouritanga katoa a e whakaaro ana te Komiti me utu ano tetahi moni ki nga Maori ara nga reti i pukei i mua atu o te whakaputanga o te Karauna karaati, me whakatapu ranei tetahi porowhita whenua hei painga mo nga tangata Maori e whai tikanga ana ki taua wahi.