Taite, te 6 o Hurae, 1899.
Kereme A H. K. Taiaroa.

H. K. Taiaroa.—He patai atu tenei naku ki te Minita mo nga Kura, page 4Mehemea ranei kua whiriwhiria e te Kawanatanga te kereme a H. K. Taiaroa mo tetahi whenua i Piopiotahi, i runga i te whakatau a te Komiti mo nga Whenua Watea a te Karauna o te 5 o nga ra o Nowema, 1898? I mea te ripoata a taua Komiti me tuku atu aua take ki te Kawanatanga kia whakaritea atu ai taua tono.

Te Waaka (Minita mo nga Kura).—Me whakaatu atu e au ki te mema honore e patai mai na ki au, ko te take e uaua ai te mahi e te Kawanatanga, ko te kore huarahi hei whiriwhiringa i te tika o taua tono. Heoti ano te tangata i mohio ki te korero i nga tikanga o aua putake ko te Honore Te Matara kua mate atu nei ia. Otiia i hiahia ano te Kawanatanga ki te whakarite i taua kereme, a i tera huihuinga o te Paremete i whakaurua ano he rarangi ki tetahi Pire engari i patua taua rarangi e te Komiti mo nga Whenua Watea o te Karauna. E penei ana te Kawanatanga, ara, e whakaae ana tera ano e ahua tika ana taua kereme, engari hoki e kore e taea te whakaea atu kia whakamana ra ano e te Paremete.