Pitihana A Hori Kerei Taiaroa.

Te Ripoata a te Komiti mo nga Mea Maori mo runga mo te pitihana a Hori Kerei Taiaroa (Nama 15 o te tau 1898):—

"Ko te Komiti mo nga mea Maori i page 12tukuna atu nei ki a ratou te pitihana a Hori Kerei Taiaroa (Nama 16 o te tau 1898) inoi mai kia whakaputaina atu he oranga ki a ratou i te mea kua tau he mate ki a ia me etahi atu tangata whaitake ki nga Tekiona 1a me te 2a o te Arahura Rahui Maori, i raro i nga tikanga o 'Te Ture Rahui Maori o te Tai Hauauru o te Waipounamu me Whakatu, 1887,' e whakatau penei ana, ara:—

"Kua ata whiriwhiria e te Komiti taua pitihana kua ata whakarongo hoki ki nga whaikorero mo aua take.

"I runga i te ahua o nga korero i tukuna mai ki te Komiti e kitea ana kua pangia kinotia nga whaipaanga o te kaipitihana ki taua whenua e nga tikanga o taua Ture, i te mea i hoki whakamuri tona mana, a tangohia atu ana i te kaipitihana te mana whakahaere i tona whenua, a i tangohia atu hoki i a ia nga whakapainga o runga o te whenua, i tika ra mana ano aua whakapainga me i kore taua ture.

"E whakaaro ana te Komiti me tuku atu ki te Kawanatanga taua Pitihana me nga korero mo taua Pitihana me tenei whakataunga hoki, kia ata whakaarohia tikatia, a kia mahia ai hoki he ritenga mo aua putake i mua mai o tera huihuinga o te Paremete.