Nga Korero Paramete: 1886-1890
Taite, te 24 o Nowema,1887. — Kereimauta (Mawhera)
Taite, te 24 o Nowema,1887.
Kereimauta (Mawhera).
H. K. Taiaroa.—I patai ki te Kawanatanga Mehemea e tika ana kei te mauria nga kohatu o te whenua o nga Maori e te hunga mahi Tupa i te Ngutuawa Moana i Kereinauta? Mehemea hoki kei te utua te hunga nona taua whenua mo aua kohatu? I muri mai i te whakamananga o te Ture Taungakaipuke o Kereimauta i te tangohia tonutia nga kohatu o nga whenua Maori e te hunga mahi i taua Tupa. He maha nga miriona tana kohatu kua tangohia atu me te whakakino hoki i te whenua. Kaore ano au kia rongo i puta he kupu whakaae a nga Maori kia tangohia atu aua kohatu e te hunga mahi.
Te Tiwini —Kei te Hapa Poari o Kereimauta te tikanga whakahaere i taua mahi hanga Tupa, kaore te tari Kawanatanga i te mohio ki nga tikanga e whakahaerea ai taua mahi.