Pitihana a Meiha Keepa Te Rangihiwinui me etahi atu : mo runga mo te mahara kia tu he Paramete Maori (me nga whaikorero ki te aroaro o te Komiti mo nga Mea Maori)
Report. — Pitihana Nama 3, a Meiha Keepa ma
Report.
Pitihana Nama 3, a Meiha Keepa ma.
Ripoata a te Komiti o te Kaunihera mo nga Mea Maori, mo runga mo te pitihana a Meiha Keepa me etahi atu.
E tono ana tenei pitihana kia whakaaetia atu tetahi Pire hei whakamana i nga tikanga i wakaaetia i te Runanga o te Whakakotahitanga i te Hui ki Waipatu.
Kua ata whiriwhiria e te Komiti aua putake a i runga ano i te tono a nga Maori i karangatia a Meiha Keepa raua ko Wi Parata hei mangai mo nga kai-pitihana.
Ko nga tikanga e tonoa nei kia mahia i roto i te Pire hei whakarereke i nga tikanga mo te iwi Maori, he putake taimaha rawa e pa ana ki nga Ture Whakamana mo te Koroni, e mahara ana te Komiti ko te Kawanatanga anake te mea tika mana e timata mai aua tu putake, a e mahara ana te Komiti me tuku atu tenei Pitihana me nga pukapuka me nga whaikorero ki te Kawanatanga mana e whiriwhiri.
9 Akuhata, 1893. H. Wiremu, Tiamana.